|
Juyghissa de Arborea
(pro contu de sos fitzos Federigu e Marjane). Naskida
fortzis in su 1354 e morta de peste in su 1402 o 1403.
Est
s’eroina sa prus connotta e istimada de s’istoria sarda,
simbolu de libertade e indipendentzia.
In
su 1383, sa die 15 de Martu, sa corona de logu intronizad Juyghe
Federigu, primu fitzu de Elionora de Arborea e Brancaleone Doria (sennore
de Castedhu Sardu): ancora fedu non podet gubernare e pro isse lu
faghed sa mama Elionora comente Juyghisse regente fintzas a s’edade
mayore, ki benid a degheotto annos.
Federigu
morit a s’edade de deghe annos e suta sa regentzia de sa matessi
Elionora est Juyghe su frade Marjane V, naskidu in su 1378 o su
1379 in Castedhu sardu (insaras Castelgenovese).
Su
mumentu prus dolorosu de su rennu de Elionora fu sa paghe de
Sedhori de su 1388, firmada sa die 24 de Bennarzu pustis s’agradessida
de su populu ki l’aia votada in tottu sas coronas de logu: una
paghe “intra Catalanos, Aragonesos, Sardos e atteros partizanos
regios de un’ala e sa domo de Arborea e sudhitos issoro a s’ater’ala”.
In
custa paghe enian cunsinnados tottu sos territorios illiberados
“in gherra bona e zusta” dae Marjane e Ugone; iat a essi sa
Sardigna tottu kenze s’Alighera e su kastedhu ‘e Karale. Tottu
kustu pro poder illiberare su maridu sou Brancaleone, presoneri in
Karale dae sa die de s’intronizzazione de su fitzu Federigu.
|
